“Ntabwo washaka Yezu ufite umutima ufunze.”( Diacre Abel,sac)

Mu nyigisho ye yatanze mu misa ya I yo kuri uyu munsi Mukuru wa Noheri, muri Kiliziya ya Paruwasi ya Gikondo yitiriwe Mutagatifu Visenti Pallotti,  Diyakoni Abeli  yagaragaje ko  bitoroshye gushaka Yezu ngo umubone igihe afite umutima ufunze, yagize ati:

Biroroshye gushakashaka Yezu ahantu hose, ariko twibagirwa kumufungurira umutima wacu.  Ntabwo washaka Yezu ufite umutima ufunze. Dufungure imitima yacu Yezu adutahemo, aduturemo ; bityo ka kuzuye umutima kazasesekara ku munwa. Bwa buzima bwacu Yezu yatashyemo buzabera abandi intangarugero, buzabera abandi urugero rwiza, maze abatubona babone ko Ingoma y’Imana iri mu bantu.

Nyuma yasoje inyigisho ye asaba buri wese  kwihatira kurangwa n’ingabire  yo kugwa neza, kugira ubuntu n’ukuri kugira ngo buri wese abashe kwisanisha n’Umukiza w’isi watuvuyike none.

Isomere iyo nyigisho yatanze.Inyigisho ya Diyakoni Abeli, kuri Noheri 2020

Andi mafoto y’umunsi Mukuru wa Noheri

TUBIFURIJE MWESE NOHERI NZIZA N’UMWAKA MUSHYA MUHIRE WA 2021

HABUMUKIZA Joseph