Iyi “chantier” turimo nitutayitagatifurizamo tuzayihindaniramo”

Kuri uyu wa gatatu tariki ya 09/05/2018, mu nyigisho Padiri Mukuru Rwasa Chrysante yatanze mu gitambo cya misa ya mu gitondo, yasabye abakristu kumva ko imirimo yo kwagura Kiliziya ya Paruwasi ya Gikondo ibareba bose, ariko abasaba kwitonda kuko  ngo “iyi chantier turimo nitutayitagatifurizamo tuzahindaniramo”. Ibi yabivuze abihuza n’ishyaka ryaranze intumwa za mbere za Yezu, ashishikariza buri mukristu kurangwa n’ishyaka ryo guharanira ko igikorwa twatangijwe cyarangira neza. Yibukije  ko ubutagatifu butangirira ku dukorwa duto duto dutuma tugumana n’Imana no kugendana nayo igihe cyose cyane cyane muri iki gihe paruwasi yacu iri mu rugendo rutagatifu rwo kwagura kiliziya yacu.  Ati : ” Jye namenye Imana, nzaguma aha  kuri iyi chantier kugeza Kiliziya irangiye. Mujye mwitahira,  muryamye, musinzire, ariko mumenye ko nimubyuka muzajya muhansanga. Niyo naryama sinasinzira , ntibyankundira. “

Iyi nyigisho yatanze umusaruro kuko misa ya migitondo ikirangira, abakristu benshi bahitiye mu busitani buri imbere ya salle, kugira ngo bavaneho pavets zari ziharunze , kuko hashobora kuzifashishwa muri iki gihe kiliziya itararangira kwagurwa.