Ahabanza
Paruwasi ya Gikondo ni imwe mu ma Paruwasi y’Arkidiyosezi ya Kigali. Yiyambaza Mutagatifu Visenti Pallotti. Yatangiye ari santarali, kuva muri 1976, ariko nta nyubako yayo bwite yari ifite, kuko yagiye ikorera hirya no hino. Padiri Hozer Henri yavaga kuri Paruwasi y’Umuryango Mutagatifu, akaza gusomera abakristu misa. Babanje kujya bateranira mu ishuri rya Gikondo, icyo gihe iryo shuri ryari rigizwe n’akazu k’icyumba kimwe kubakishije amabuye, kuva hasi kugera hejuru, gasakaje amategura, aho Groupe Scolaire St Vincent Pallotti yubatse ubu ngubu.